UNIVERSITE KONGO MEBAKA INZO NANDI YA NTETE YA IMPA YA MALONGI YA ZULU.

Nkinzi ya nzibudulu ya Inzo ya malongi yai to inauguration salamaka kilimbu ya tanu vuandaka le 23 Juillet 2010 na Territoire ya Mbanza Ngungu na District ya Cataractes na lutuadusu ya Mfumu ya Kizunga Mbuta Simon Floribert MBATSHI BATSHIA na ntuala ya ntuadisi ya ntete ya Inzo ya Kinzonzi ya B.C. Mbuta Leonad NSIMBA NZUNGILA na kilandi nandi Marie José MFULU MASAKA pe kilandi ya Mfumu ya kizunga Deo NKUSU KUNZI BIKAWA buela diaka ba Députés Provinciaux pe ba Ministres Provinciaux sika monanaka pe ba Mbuta ya Makesa ya Kizunga , ba Mbuta ya Politique, ba Mbut ya luyalu pe ya nduenga ya Nekongo katukaka na Kinzhasa.

Inzo ya malongi yai yau nde mebakama na mongo ya Mbanza Luvaka na ba kilometre tatu ya Mbanza Ngungu yai Inzo tungamaka na mabanza ya Mbuta ya kizungape na mbongo biminaka na nkela ya Kizunga na ntalu ya 133 Mille dollard na ndambu , yai bisalu ya ntungulu salamaka na bisadi ya T.P.I. na lutuadusu ya Ministre Provincial ya T.P.I. yai Inzo mekabuka na masuku Tanu ya malongi, masuku Iya ya bisalu ya bulo pe masuku Nsambuadia ya kusuamina to ba inzo yakubimisina doti ya kivumu .

Inzo ya malongi yai metungama na nima ya nkukusulu ya ba mvula makumi zole ya luzingu ya Université Kongo yai salamaka kubanda le 22 Juillet 1990 wapi sika malongi kepesamenaka kaka na Inzo ya kufutila.

Na nkinzi yango kuna bakamaka bandinga mingi yai bandilaka ntete na kinkulu ya bankhaka na ba Mfumu ya Ntoto to ceremonie coutumière pe landilaka ndinga ya Administrateur ya Territoire tondilaka ngizulu ya mbote na bantu nionso monanaka na nkinzi pe ndinga ya Ministre Provincial ya T.P.I. tubilaka mutindu salamenaka bisalu na mbongo ya luyalu ya Kizunga buela diakandinga ya balongoki vutulak& matondo na Mbuta ya kizunga na luyalu nandi nionso landilakaz nzengolo ya nsinga na Mfumu ya Kizunga pe kutala ba masuku nionso ya Inzo ya malongi yai ya Impa ya U.K. B.C.

Nkinzi landakanaka na ndinga ya Docteur MATUSILA Président ya Pouvoir Organisateu ya U.K. tondaka mabanza ya Mbuta ya Kizunga na luyalu nandi nionso na mlusadusu ya Inzo yai bametungisila bantuenia na kulandakana malongi ya zulu na Inzo ya bau mosi ata ko yake mosikasi kivuvu ikele ti Mbuta ya kizunga kelandakana na bilumbu kena kuiza na kutungisa diaka ba Inzo Tanu yina mekondua pamba ve nionso fuete vuuanda ba Inzo Sambanu.

Na yau manaka ya nkinzi yai lutilaka na Mongo ya Mbanza Luvaka ya nzibudulu ya Inzo ya ntete ya malongi ya U.K. Mbanza Ngungu ya sukilaka na ndinga pesamaka na Mfumu ya Kizunga Mbuta Simon Floribert MBATSHI BATSHIA tubilaka mambu mingi na kubandilaka ntete kubambula moyo na bantu nionso vuandaka na nkinzi kinkulu ya lubutuku ya Université yai vuandaka le 22 Juilet 1990 na bantu ya nduenga ya Kizunga ya B.C. yai bapesaka nkumbu ya Université BAS ZAIRE na bunkufi UNIBAZ pe na 1997 yakumaka Université Kongo na bunkufi U.K.

Samu na kubaka Inzo yai kenakusala bubu fier ya nkangu ya Kizunga ya B.C. Mbuta ya Kizunga zabisaka ti yake na luzolo ya bantu nionso yina pesaka lusadusu ya bau ata ya fioti na ntungulu ya Université yai na 1990 samu nakupesa bana beto kifulu yakulandila malongi ya zulu bayai yandi vutusilaka matondo mingi wapi sika nabayina mekufuaka bayindulaka pez mioyo ya bau, naba yina diaka pesaka lusadusu ya Inzo ya malongi lusadusu yakutangiusa bantuenia to ba Professeurs nakuzimbanaka masakuba ya nzil pe mpasi ya mfutulu buela diaka na bibuti yi ndimaka kutinda bana ya bau na Université yai bau pe batondaka bau mingi.

Na yau na mvutukulu ya malongi ya mvula yai ya 2010 , yai U.K. kena kukembela ba mvula makumi zole ya luzingu ya ke vuanda diluaku samu na bantuenia kena kulanda malongi ya kizuzi to Droit nakuenda tangila na Inzo yai ya Impa na Mbanza Luvaka.

Samu na yau Mfumu ya Kizunga vutulaka diaka matondo mingi na Mfumu ya Insi Mbuta Joseph KABILA KABANGE na mabanza ya mbote yi yandi bakaka ya banzila tanu ya ntungulu ya Insi ya beto yai mepesa Luyalu ya Kizunga diluaku nakutunga Inzo ya malongi yai bamepesa na bantuenia ya U.K. wapi sika yandi lombaka na bantuadisi nionso ya Université yai kena na intu ya Mbuta KAMBU KABANGU Recteur nakutanina Inzo ya malongi yai na mutindu ya mbote pe yandi sukilaka na kuzabisa na ba Nekongo nionso na kusimbidila nkumbu ya Mbanza Luvaka kuna mebakama Inzo ya ntete ya malongi ya Université Kongo metungama na bau mosi bana NEKONGO na mbongo pe ya bau mosi yai mvutu bakebanda kuvutusa na konso mutu keyuvua bau ngiuvula ya U.K.

Nzokande na nkukusulu ya ba mvula makumi zole ya Université Kongo bamekatuka nakubimisa bana difunda mosi na mmazkumi nana na Ivua to 1089 Diplomés pe ya metuadisua na ba ba Comité de Gestion Tanu.

Julienne NTIMA BOSENGE